Eguraldiak asko lagundu ez arren, jende anitz bildu zen maiatzaren 17an gauzatu zen Atarrabiako 4. Koadrila egunean. Goizean burututako batzar nagusian, Udalarekin orain arte izan dituzten elkarrizketen balorazioa egin zuten. Udalarekin hitz egiten jarraitzeko aukerak irabazi zuen.

Atarrabiako gazte askok bat egin zuten hilaren 17an ospatutako Koadrila egunaren 4. edizioan. Antolatzaileen esanean, «jende anitzek hartu zuen parte antolatutako ekimen guztietan». Aipamen berezia egin dute egun horretan egindako gazteriaren batzar nagusiaren gainean, izan ere, orain arte Udalarekin izandako harremanei buruzko iritziak jaso zituzten parte-hartzaileei banatutako inkesta batzuen bidez. Ondorioz, gehiengoak elkarrizketa horiekin aurrera jarraituko dutela erabaki zuen.