Karrikaluze Euskara Elkarteak antolatuta aisialdian haur eta gaztetxoekin ari diren begiraleei zuzendutako ikastaroa gauzatuko dute ekainaren 13an Atarrabiako Gaztelekuan. Hiru ordutako saioa izango da 17etatik 20ra bitartekoa eta Euskara Elkarteen Topaguneak eskainiko du. 15 pertsonentzako plaza mugatua dago.

Lan poltsa martxan da

Karrikaluze elkarteak lan poltsa zerbitzua martxan du. Iaz bezala, aurtengo udan ere guraso asko espero dituzte euskaldun bila, batez ere haurrak zaintzeko edo klase partikularrak emateko.
Hori dela eta, udan lan egin nahi duten euskaldunak animatu nahi dituzte gure bulegora etortzera, astelehen eta asteazkenetan arratsaldeko 16:00etatik 20:00etara eta astearte, ostegun eta ostiraletan goizeko 8:30etik 12:30era.
Bestela, 948.35.57.39 telefono zenbakira dei daiteke edo karrikaluze@ta:topagunea.com helbidean mezua utzi.