Jabier Muguruzarekiko hitzordua ez da hil honetan Atarrabian bakarra izanen, Karrikaluze elkarteak eta Kultura Zerbitzuak elkarrekin Bihotz Bakartien Klubaren emanaldia antolatu dutelako. Talde horrek Katamalo izeneko lana aurkeztuko du hilaren 23an, arratseko 8etan, Gune Eszenikoan. Sarrerak 3 euro balio du.

Beste behin Larrabetzuko (Bizkaia) talde horrek poemak kanta bihurtzen ditu eta hausnarketarako bazkatzat ematen dizkigu. Konposizio berriek ez garen horrena egin beharra, hipokresia eta faltsukeria, sakon maitatzeko beldurra, zorionaren kimera, harrotasuna, lotsa eta abar dituzte hizpide.

Alez Arregi, Aintzina Lekue, Gorka Mugarza, Gorka Urbizu, Nerea Urbizo eta Gotzon Barandiaranek osatzen dute taldea.